Video mit de KanniBâle
   
 
   
 

 

     
 

So jetz hänn Iirs ändlig gschafft und alli 24 Kaländerblettli sin duure... jetz kas loosgoo, denn morn isch ändlig, ändlig Fasnacht... dh, noonig ganz... denn schliesslig gits jo no e Video vo n-ys und mer hoffe jo scho, ass Iir das au aalueged ;-)

Unser Video ka me wie allewyyl uff Youtube aaluege... s isch uff Baseldytsch.

Mer wänn ys ganz häärzlig bi allne Interviewpartner bedangge, wo mitgmacht hänn... mer sin wiirglig begaischteret, wie spontaan Iir zuegsait hänn, dangge vyl vyl mol.

Bedangge wänn mer ys au bi unsere 2 Kameramänner... Iir kennet si jo beraits vom Abspann här, dr Pascal Eigenmann und em Cyrill Stehlin vo dr Waageclique "Basler Gwäggi".

Au e ganz häärzliggs "Danggerscheen" goot nadyrlig an Eych alli, wo bis zem Schluss duureghalte hänn... Dangge vyyl vyyl mol.

So jetz haissts "Fasnacht mache" und mer hoffe nadyrlig ganz fescht, ass me sich emol uff dr Gass au gseet... e gueti Gläägehait wär am Fasnachtsmäntig an unserem Gennerapéro ab 16:00 bim Waisehuus.

Also, mer winsche Eych e wunderscheeni Fasnacht und hoffe, ass Iir e weeneli d Soorge vrgässe kennet... weengigschtens fir 3 Daag.

     
   
     
   
     
   
     
   
     
   
     
   
     
   
     
   
     
   
     
   
     
   
     
   
     
   
     
     
     
     
     
     

Vyyle Dangg fiir Dyni Antwoorte