Video Interview mit unserer Basler Regierigsreetin Stephanie Eymann
   
 
   
 

 

     
 

Hit gits e Novum... nonie hänn mer ebber uss dr Basler Regierig bi n ys z Gascht kaa, aber jetz ischs wiirglig sowyt und mer fraie n ys seer. E scheens und tolls Video mit dr Stephanie und si vrzellt ys e weeneli, wie s iire bis jetz eso gange n-isch als Regierigsreetin (s isch kai politischs Video ;-)), was iire d Fasnacht beditet, wie me sich im Sicherhaitsdepartemänt uff esoone Groossaalooss wie d Fasnacht voorberaitet und no ganz vyyl mee... also, leend Eych iiberrasche...

Unser Video Interview mit dr Stephanie, ka me wie allewyyl uff Youtube aaluege... s isch uff Baseldytsch.

Mer bedangge n ys ganz häärzlig bi dr Stephanie fir das tolle Interview und d Zyt, wo si sich fir ys gnoo het. E häärzliggs "Danggerscheen" goot au an unseri baide Kameramänner Pascal Eigenmann und Cyrill Stehlin vo dr Waageclique "Basler Gwäggi", wie au an Rolf und Almi vo dr "Fasnachtsstuube"... Dangge ass mer bi Eych s Interview hänn mache deerfe.

So und jetz winsche mer Eych ganz vyyl Spass bim aaluege...

     
   
     
   
     
   
     
   
     
   
     
   
     
   
     
   
     
   
     
   
     
   
     
   
     
   
     
     
     
     
     
     

Vyyle Dangg fiir Dyni Antwoorte