Video Interview mitem Adrian Knup - Fasnächtler und ehemoolige Fuessballspiiler vom FCB
   
 
   
 

 

     
 

Hit wirds spoortlig, denn hinterem Diirli versteggt sich dr Adrian Knup, är isch Fasnächtler und ehemoolige Fuessballspiiler vom FC Basel.

Dr Adrian verzellt ys e weeneli iiber syni Zyt als Fuessballspiiler bim FCB, iiber syni Dätigkait als Delegierte vo dr Swiss Football League und was ys nadyrlig ganz bsunders Fraid, iiber syni Erfaarige vo dr Basler Fasnacht.

Unser Video Interview mitem Markus, ka me wie allewyyl uff Youtube aaluege... s isch uff Baseldytsch.

Mer bedangge n ys ganz häärzlig bim Adrian und synere Geduld. Wägge technische Brobleem, hänn mer das Interview e zwaits Mool miesse uffnää und dr Adrian het das mit Humoor gnoo und sich ooni z zeegere grad noonemol zer Verfiegig gstellt :-).

E "Danggerscheen" goot an unseri baide Kameramänner Pascal Eigenmann und Cyrill Stehlin vo dr Waageclique "Basler Gwäggi", wo jo mittlerwyyle scho fascht zem Inventaar gheere ;-).

So und jetz winsche mer Eych ganz vyyl Spass bim aaluege...

     
   
     
   
     
   
     
   
     
   
     
   
     
   
     
   
     
   
     
   
     
   
     
   
     
   
     
     
     
     
     
     

Vyyle Dangg fiir Dyni Antwoorte