Was hänn Dyni Eltere gsait, wo Du Bierbrauer hesch welle wärde ? Dyn Babbe isch sicher begaischteret gsii oder ?

Hejo my Babbe isch nadierlig begaischteret gsii, wells jo au dr Huusdrunk gää het ;-)

Jo genau, dä hets jo au no gää... dr Huusdrunk. Kasch Du uns kurz verzelle, was das isch ?
Jeede Mitarbaiter vonere Brauerey griegt gratis e sog. Huusdrunk und bi miir sins 40-80L Bier pro Monet gsii.

80L Bier ??? Wär ka soo vyyl Bier pro Moonet dringge ?
Jo dasch nadierlig seer vyyl gsii, aber y ha die ganz Verwandtschaft drmit vrsoorgt.

Und wie gseet hit uss mitem Huusdrunk ?
Sin nadierlig kaini 80L me, aber saage mer emol esoo... jeede Mitarbaiter sott gnueg Bier dehaim haa, falls mol Bsuech kunnt ;-)

Was dänggsch, wieso dringge so vyyl Mensche uff däre Wält Bier ?

Bier het wältwyt dr greescht Umsatz... Bier het nit sovyyl Alkohool wie Wyy, Bier isch e Durschtlescher und was mittlerwyyle alli Lyt wisse isch, ass Bier seer gsund isch und vyl Vitamine het. Miir Bierbrauer saage immer "Dringg Bier regelmässig, aber mässig".

Wie vyyl Bier dringgsch Du denn eso pro Daag ?
Also wärend dr Aarbet nämme mer numme Koschtbroobe, also e Schnapsglas voll. Y wott nit, ass ebber wärend dr Aarbet Alkohool dringgt... und sunscht ab und zue gärn emol e Fyyroobe Bier.

Wohär kunnt aigentlig s Bier ? Ussem dieffschte Mittelalter oder ?

Sogaar no friener... d Ägypter und Sumerer sin die eerschte gsii, wo n-e bierähnliggs Geträngg häärgstellt hänn. Si hänn das Gmisch aifach im waarme stoo loo, iiber d Luft isch denn no dr "wild" Heefe drzue koo und het das "wilde" Gebräu zem gääre brocht. Drnoo hänn si pletzlig gmeergt, ass do jo Alkohool drinn isch und dr Alkohool git aim nadierlig e scheens und beschwingts Gfiihl... was jo au hit no so isch ;-)

Wie lang schaffsch Du denn scho bi dr Brauerey "Fischerstube" ?

Syt 2010.
Y ha friener in dr Brauerey "Lasser" gschafft und sällmol hets scho e Kooperatioon mit dr "Fischerstube" gää. Y ha also dr Betrieb scho kennt und wo dr doomoolig Braumaischter vo dr "Fischerstube" pensioniert woorde n-isch, ha n y mi grad uff die Stell bewoorbe. Dasch jetz myni 5. und au ganz sicher letschti Brauerey... do blyb y seer gäärn bis zer Pension.

Wie vyyl verschiideni Biersoorte wärde denn in dr "Fischerstube" braut ?

Mer hänn 4 Hauptsoorte und glyychzytig no 2-3 anderi... also insgesamt ebbe 6-8 Biersoorte Sorten.

Welles vo dääne 6-8 Biersoorte, isch denn s absolute Lieblingsbier vo de Basler ?
S "Reveränz" und s Waize sin in de letschte Joore richtig duur d Deggi gange. Nadierlig sin alli unseri Bier
uffeme hooche Level, denn mer hänn nit umesunscht dr Swiss Bier Award in Gold 2x hinterenand gwunne.

Wie vyyl Schritt bruchts, bis e Bier feertig braut isch (numme ganz groob) ?

Syt em 2010 laitisch Du d Brauerey vo dr "Fischerstube". Was het sich fir Dii, syt Dynere Lehr zem Bierbrauer, am maischte veränderet ?

D Technik het sich nadierlig im Geegesatz zu friener schon gewaltig veränderet.

Friener hets halt no kaini Computer gää...
Friener het me alles no vo Hand gmacht. Me het uff d Uhr gluegt und zumene bstimmte Zytpunggt pneumatischi Ventil oder Schieber uffgmacht und alles isch manuell gmacht woorde. Hit wird vyl mitem Computer gstiirt und het dr Voordail, ass d Qualität immer uffem glyyche Level blybt.

Privaati Bierbrauereye kemme und geen... aber d "Fischerstube" isch syt 1974 e feschte Bestanddail vo dr Basler Bierkultuur. Was dänggsch Du, isch s Ghaimnis vo Eyrem Erfolg ?

Zem aine ischs sicher d Bierqualität, wo immer seer hochstehend isch und zem andere ischs esoo, ass dr Basler aifach zem "Ueli Bier" stoot. Die Verbundehait und Treui isch wiirglig absolut ussergweenlig. Uelibier isch e AG, wo numme uss Familiemitgliider bestoot und dasch nadierlig au e groosse Voordail. Alles was miir doo modärnisiere, hänn mer ys sälber erwirtschaftet und das waiss au dr Basler und schätzt das seer.

Bi Eych gits jo au Fierige... wie gseet denn esoone Fierig uss ?

Zeerscht staarte mer mitere Yyfierig undeme glaine Gschichtsblogg, drnoo goots ins Sudhuus, aaschliessend denn in Gäärkäller und am Schluss zaige mer no e glaine Film vo dr Utegass... alles in allem goots ebbe 40 Minute.

Was isch denn in dr Utegass ?
Deert isch unseri Abfillerey. Mer pumpe s produzierte Bier vo dr Rhygass unteriirdisch 127m duur dr Gaarte vom Aarbetsamt diräggt ins alte Jelmoli Paarkhuus... deert hänn mer dr ganz 1. Stogg gmietet und deert steen au unseri Abfillaalaage.

Um d Wienachtszyt gits das sog. "Wienachtsbier", wieso gits aigentlig kai "Fasnachtsbier" ?

Mir hänn ai ainzige Kunde und fir dää braue mer exklusiiv und numme fir die 3 Daag, ca. 2400L "Fasnachtsbier".

Was isch denn s bsundere an dämm "Fasnachtsbier" ?
Mer verwände e spezielle Hopfe, wo numme dä Kund het.

Jürgen, wie dringgt me e Bier richtig ?

Y frog immer unseri Gescht, wie si denn dr Wyy dringge und d Andwort isch immer: Dr Wyy kunnt uffe Disch, me schwänggt s Glas, schmeggt am Wyy und dringgten denn. Drnoo frog y, wie si denn s Bier dringge und d Andwort isch: S Bier kunnt uffe Disch, me broschtet sich zue und wäg ischs... aber das isch FALSCH. Behandlet s Bier genau glyych wie Wyy !!! Iir glaubets nit, was iir pletzlig fir Gruchsnuance in dr Naase hänn... und nit dr 1. Schlugg, sondern dr 2. Schlugg isch entschaidend... brobieret das emol ;-)

Beraitet Iir Eych speziell uff esoone Groossaaloss wie d Fasnacht voor, oder isch das e ganz normaale Ablauf wie
immer ?

Mer beraite n ys nadierlig scho uff esoone Aaloss voor... me het jo mittlerwyyle au e gwissi Erfaarig. Vyyli Kunde griege iiri Aalaage beraits scho e Wuche voor dr Fasnacht, ass alli gnueg Zyt fir d Voorberaitige hänn. Y dokumentier au seer vyyl und waiss, was d Kunde bruuche. Mer teschte die ganze Aalaage und soorge drfiir, ass immer gnueg Mitarbaiter doo sin. Logistisch ischs scho e groosse Uffwand, aber mer sin immer baraat wenns loos goot. Bevoor d Durchlaufkiehler unser Huus vrleen, wärde si noonemol kontrolliert und butzt. E groosse Plus Punggt fir unseri Kunde isch, ass miir Mitarbaiter jeederzyt verfiegbaar sin, falls emol ebbis nit funggdioniere sott.

Wie isch das fir Eych gsii, wo im 2020 d Fasnacht kurzfrischtig abgsait woorde n-isch ?

Dasch nadierlig e Katastrophe gsii... am Frytig sin alli Durchlaufkiehler und hunderti vo Bierfässer an d Kunschaft ussgliiferet gsii und denn isch am Nomidag die Absaag vo dr Fasnacht koo... am Mäntig und Zyschdig isch denn alles wider zrugggschoobe woorde und die Lawine vo de Retoure isch wiirglig schlimm gsii.

Und am Fasnachtsdonnschtig wird sicher ganz dieff ussgschnuuft dängg y... het me Zyt zem kurz Entspanne oder goots grad nootloos wyter mit Bier braue ?

Schön wär's ;-)
S ganz Leerguet und d Aalaage kemme zrugg und mien butzt wärde. Aber wenn me so gseet, wie vyyl leeri Bierfässer zruggkemme, denn goot aim s Häärz uff ;-). D Fasnacht isch fir uns immer seer wichtig.

Y lueg immer gärn dr Cortège aa und s isch faszinierend, die Fraid in de Auge vo de Bsuecher z gsee. Alles isch faarbig und ussglasse und das gniess y seer.

Aigentlig sins 2... mitem Helmut Schmidt... syni Aart het mi scho als Jugendligge wahnsinnig beyydruggt, wie n-är das immer alles gmaischteret het in sym Politikerlääbe, obwool me ihm ständig Bängel zwische d Bai gwoorfe het...

Und wär isch dr Zwait ?
Udo Lindenberg... är isch aifach e cooli Sogge mit syne 75 Joor und y ha Byljee fir sy Konzärt in Mannheim.

Was erhoffsch Du Dir vom 2022 ?

As mer alli gsund blyybe und s ys nit mit Corona vrwitscht... und as es iirgendwenn emol besiigt wäärde ka.

Was hesch vo dääre Corona Zyt mitgnoo ?

As me ruhiger woorde n-isch und au emol sy Geegeniiber frogt, wie s ihm goot... und das au wiirglig ärnscht maint, was friener eenter e Floskle gsii isch.

Wenn platzt Dir emol dr Kraage ?

Bi Unpinggtligkait und Ungerächtigkait... oder Liege.

Und bi was goot Dir s Härz uff ?

Bi mynere Frau, myne Kinder und Änggeli... und bim Fuessball ;-)

Fir mii e Draumstadt und mittlerwyyle Haimed...

Tolli Brauerey und guete Aarbetgääber...

Macht Spass und brucht kai Impfig...

Gmiessubbe oder Hienerbouillon am näggschte Moorge, denn isch är wäg...

Gits normalerwyys nit... aber Bier isch "appetitanregend"...

S isch e Bockbier gsii, wells aifacher zem braue gsii isch als e Pils und het seer guet gschmeggt ;-)

S isch e Bockbier gsii, wells aifacher zem braue gsii isch als e Pils und het seer guet gschmeggt ;-)