Video Interview mitem -minu, em Basler Stadtoriginaal
   
   
 
   
     
 

Schlaag uff Schlaag goots wyter mitem näggschte Diirli vom KanniBâle Fasnachtskaländer 2022.

Hit bsueche mer unser Basler Stadtoriginaal in sym Wienachtshuus und dauche yy ins bewegte Lääbe vom -minu.

Mer winsche Eych ganz vyl Spass bim zueloose und schmunzle und bedangge n ys ganz häärzlig bim -minu fir das grandioose Interview und d Zyt, wo n-är ys gschänggt het... s isch e tolls Erläbnis gsii.

S tolle Video Interview ka me wie allewyyl uff Youtube aaluege... s isch nadierlig uff Baseldytsch.

E groosses "Danggerscheen" goot au an unseri baide Kameramänner, em Pascal Eigenmann und Cyrill Stehlin vo dr Waageclique "Basler Gwäggi". Iir hänn das wie immer ganz toll gmacht :-).

Bitte dängget draa, ass mer nit TeleBasel oder SRF sin, dh. mer hänn das Video als Laie uffgnoo und dorum hets halt au dr aint oder ander Waggler oder unsuubere Schnitt drinn ;-).

     
   
     
   
     
   
     
   
     
   
     
   
     
   
     
   
     
   
     
   
     
   
     
   
     
   
     
     
     
     
     
     

Vyyle Dangg fiir Dyni Antwoorte