Genner

 

 

Die Syte isch unsere Genner gwidmet, wo n ys mit unverglychliger Geduld und Dreyy uff finanzieller Eebeni understitze und ys so au zuemene groosse Dail unser faasnächtlig Dryybe meeglig mache.

Als beschaides "Danggerscheen", spendiere mer unsere Genner wie allewyl nooem Corteege am Faasnachtsmäntig, dr Genner-Apero im Innehoof vom Waisehuus wo beraits zer Dradizioon worde n isch.

Nadierlig bedangge mer ys nit nuur uff kulinaarischi Aart und Wyys, sondern nämme dä Aaloss glyychzytig zer Gläägehait zem unsere Genner z zaige, was mer im vergangene Joor an Stiggli bifflet hänn.

 


E bsundere Dangg giltet an dääre Stell allne Genner, wo n ys immer wider mit Root und Daat zer Syte steen, wenn s drum goot, e kannibaalische Aaloss z organisiere.

Wenn ebber Genner bi de KanniBâle wäärde wott, so isch är häärzlig yyglaade unsere Schryber z kontaggdiere oder dr Byydraag vo 30.-- Stutz mitem Vermeerg "Gennerbydraag" uff unser Boschtkonto PC 82-256666-4 z zaale.

Me ka sich nadierlig au ONLINE fir e Passivmitgliidschaft aamälde und goot eerscht no vyl schnäller ;-)

Ney: ONLINE-Aamäldig