Willkomme uff unserer kannibalistische Websyte !
   
  2 Neymitgliider zer Versteergig vo unserem Drumpeete- und Posuuneregischter gsuecht... doo gits mee...
   
 

18.5.2020 - Geburtsdaagskind Flavio Ackermann (-flavio)...
Hitte fyyrt unsere Fisch vom Lugaanersee und "Immerno-Aawärter" - Flavio Ackermann - ussem Drumpeete-Regischter, syn sweety 27. Geburtsdaag. Bedingt duur d Coroonakriise, verzeegeret sich unseri GV und doo drmit au d Uffnaam vom Flavio no e Momäntt... aber das soll nadierlig eme tolle Gebuurtsdaagsfescht nit im Wäg stoo. Liebe Flavio, mer graduliere Dir ganz häärzlig zem 27. Burzeldaag und hoffe, ass e "droggene" ;-) Geburtsdaag fyyre kasch... entbindet Di nadierlig nit vo dr obligaate Bierrundi noo dr Coroona-Usszyt ;-)
Happy Birthday...

   
 

7.5.2020 - Geburtsdaagskind Fabian Brenna (-brenna)...
Und scho stoot dr näggscht Geburtsdaag voor dr Diire... blybe mer doch im ähnligge Regischter, numme d Greessi und s Gwicht änderet... vom Instrumänt ;-). Hitte fyyrt unsere Maa vo de fyyne Deen
- dr
Fabian Brenna - ussem Bässliregischter syyn Geburtsdaag. Liebe Brenna, mer graduliere nadierlig au Diir von Häärze zem 43. Burzeldaag und winsche drotz Corona Kriise e wunderbaare Daag im Grais vo Dyne Liebschte... und immer scheen Abstand halte gäll ;-)... wobyy... e Geburtsdaagsschmatzer isch halt scho ebbis scheens... Happy Birthday...

   
 

1.5.2020 - Geburtsdaagskind Silvester Felber (-sly)...
Im Momänt gits laider nit vyyl spannends und uffreegends z brichte, dorum sin mer froh, ass mer weenigschtens no unseri Burzldääg hänn ;-). Wie immer, gheert dä hittig 1. Mai "Fyyrtig" unserem liebe "Usswanderer", Sousi-Komprässer und Alt-Bresidänt - em
Silvester Felber - wo immer no zue unsere
7 aggdiive Grindigsmitgliider gheert... bsunders WICHTIG, well mer jo in dämm Joor unser 25-jeerigs Verainsjubiläum fyyre deerfe. Liebe Sly, mer graduliere Dir vo Häärze zue Dym 47. Burzeldaag und winsche e unvergässligge "Fyyrtig". Happy Birthday...

   
 

22.4.2020 - Geburtsdaagskind Paul Freund (-pommes de terre)...
Letschte Geburtsdaag im April und eerscht no mitere maagische Doppelzaal... dä Schnapsdaag (22.4) gheert ganz elai unserem Aggdivmitgliid
- Paul Freund - ussem Schiffhoorn-Regischter (Sousaphoon). Liebe Paul, mer graduliere Dir ganz häärzlig zem 44. Burzeldaag und winsche drotz Baize-Lockdown e wunderbaare Oobe mit vyyle und scheene Iiberraschige. Schnapsdaag, Geburtsdaags-Schnapszaal... doo druff muess me doch e "Pommes de Terre" dringge oder ? Happy Birthday liebe Paul :-)

   
 

12.4.2020 - Scheeni Ooschtere...
D Ooschterhaase sin kauft und guet versteggt, s Wätter isch au perfäggt und s schynt e tolls, langs Wucheänd z wäärde...
drotz Corona. Nit desto drotz winsche mer Eych alle wunderbaari Ooschtere mit ganz vyyl Schoggi und allem was dezuegheert... aber Voorischt... nit alli Aier sin uss Schoggi, dorum immer scheen voorsichtig sii mit sueche
;-)

   
 

23.3.2020 - Nit-Bummel isch vrbyy...
Bassend zer Nit-Faasnacht, isch gescht unsere Nit-Bummel z Änd gange und mer hoffe, ass mer so ebbis nie nie nie mee erlääbe mien. Allerdings hänn mer gescht ainewääg no 2 "Bummel-Highlights" gniesse deerfe... zwoor nit live uff dr Strooss, sondern dr hittige Situatioon entsprächend in unserem Gugge-Chat. E ganz grosses "Danggerscheen" gits fir unsere Bummel-Bangg
d "D Refflegdoore", wo drotz Corona iire geniaale Marathon-Bangg zem Beschte gää hänn... aifach grandioos gsii !!!
und nadierlig unserem Zauberkinschtler "Magic Märsu", wo n-ys mit sym Kaartetrick fasziniert und verblifft het... aifach sensationell !!!. Vyyle Dangg Eych baide, Iir hänn ys - wenn au numme virtuell - e weeneli "Bummel-Feeling" spiire loo in dääre druurige Zyt :-)

   
 

16.3.2020 - Geburtsdaagskind Andi Ernst (-ärnschtli)...
Au in schlächte Zyte gits amigs no Guets z vermälde... zem Gligg, denn grad die guete Noochrichte gänn aim wider e weeneli Muet. E bsunders gueti Noochricht isch, ass hitte unser Aggdiivmitgliid und Posuunegott
-
Andi Ernst - syn 54. Burzeldaag fyyrt. Liebe Andi, mer graduliere Dir vo ganzem Häärze zem Geburtsdaag und winsche e wunderbaare Daag/Oobe, ooni immer an Corona dängge z miesse. D Bierrundi kasch iibrigens no speeter noohoole ;-)

   
 

13.3.2020 - Bummel findet NIT statt...
Uffgrund vo de neyschte Mäldige vom Bund, wird unsere Nit-Faasnachtsbummel definitiv ABGSAIT !!
De Keschte wärde sälbschtverständlig zruggzaalt... s isch wiirglig e druurigi Gschicht, aber was will me mache... me kaa numme hoffe, ass dä Spuuk bald e n-Änd het und mer ys wider de normaale Sache - wie d Faasnacht - widme kenne ;-).
Basset uff Eych uff und blybet gsund... bis hoffentlig bald wider.

   
  7.3.2020 - Byyljee fiirs Varieté 2021 ONLINE...
Ab sofort ka me jetz au d Byyljee fir unser Varieté 2021 ONLINE kaufe (mit Voorusszaalig). Dr Voorverkauf het beraits aagfange und d Noofroog noo dääne Tics isch zimmlig grooss, was ys nadierlig seer fraid :-)
Also loos, hool Dir no Dy Byyljee, bevoors
kaini me het...
   
  7.3.2020 - KanniBâle Bummel 22.3.2020...
UNSERE KANNIBÂLE BUMMEL FINDET STATT... VIRUS HII ODER HÄÄR... MER LEEN YS DÄ SUNNTIG NIT AU NO WÄGGNÄÄ !!!