Willkomme uff unserer kannibalistische Websyte !
   
  2 Neymitgliider zer Versteergig vo unserem Drumpeete- und Posuuneregischter gsuecht... doo gits mee...
   
  18.5.2022 - Allschwiler Dorffescht...
und miir sin drbyy :-)
Mer hänn ys ebbis ganz speziells fir Eych yyfalle loo und zwoor sin mer miteme Gin-Bus am Allschwiler Dorffescht vrdrätte und mer fraie n ys jetz scho riisig uff dä Aaloss. Vom 10. - 12. Juni 2022 kasch Di bi n ys verweene loo und nadyrlig gits nit numme Gin zem dringge, sondern no ganz vyyl anderi, feyni Sache... und verhungere muesch au nit ;-).

Also kumm vrbyy, mer fraie n ys uff Di.
   
 

18.5.2022 - Geburtsdaagskind Flavio Ackermann (-flavio)...
Hit fyyrt unser Benjamin und Youngster ussem Drumpeete Regischter - dr Flavio Ackermann - syn siesse 29. Burzeldaag. Liebe Flavio, mer graduliere Dir ganz häärzlig zem Geburtsdaag und winsche e ganz tolle Daag mit e huffe, scheene Gschänggli... und nit vergässe... s "3" isch scho verdammt nooch und guet z gsee ;-)
Happy Birthday...

   
 

15.5.2022 - Geburtsdaagskind Silvio Furer (-silvio)...
Hit fyyrt unser Grindigsmitgliid und ainzige Member vo dr Rollatoor Gang, dr Silivo Furer, syn 56. Burzeldaag. Liebe Silvio, mer graduliere Dir ganz häärzlig zem Geburtsdaag und winsche e unvergässlige Sunntig im Grais vo Dynere Familie... Happy Birthday :-)

   
  14.5.2022 - GV KanniBâle...
Mit dr geschtrige Generaalversammlig vo de KanniBâle, isch jetz d Fasnachtssaison 2021 / 2022 definitiiv ad acta gleggt woorde. Beraits am näggschte Mäntig goots scho wider loos mit dr Broob in die ney Saison und mer fraie n ys riisig uff d Fasnacht 2023, wo hoffentlig wider im gwoonte Raame stattfinde wird. Z vermälde gits no, ass mer unsere Aawärter - dr Alain Hollmann - definitiiv uffgnoo hänn :-). Liebe Alain, häärzlig Willkomme in dr KanniBâle Familie. Au unser Grindigsmitgliid - dr Andreas Ito - het wider dr Wäg zue n ys gfunde und do fraie mer ys nadyrlig ganz fescht... und au unser Posuuneregischter isch mitem Christian Ruprecht vrsteergt woorde. Au Eych liebe Ito und Christian, häärzlig Willkomme :-)
   
 

7.5.2022 - Geburtsdaagskind Fabian Brenna (-brenna)...
Und wyter goots mit feschte, denn unser Aggdivmitgliid und Adriano-Celentano-Vereerer ussem Bässli-Regischter, dr , Fabian Brenna, fyyr hit syn 45. Burzeldaag. Liebe Brenna, wie ka me scheener fyyre, als amene Wucheänd ;-). Mer graduliere Dir ganz häärzlig zem Geburtsdaag und winsche e prächtige Daag ooni Rääge, drfiir mit ganz vyyl scheene Momänt. Happy Birthday :-).

   
 

1.5.2022 - Geburtsdaagskind Silvester Felber (-sly)...
Pinggtlig zem Wonnemoonet Mai, fyyrt unser Grindigsmitgliid, Alt-Bresidänt und Innerschwyzer Schwingkeenig -
dr Silvester Felber - syn 49. Burzeldaag. Liebe Sly, mer graduliere Dir nadyrlig ganz häärzlig zem Geburtsdaag und winsche Dir e grandioose Daag mit vyyle, scheene Iiberraschige... und nit vergässe, s "5" isch scho in Sichtwyti ;-).
Happy Birthday...

   
 

25.4.2022 - Geburtsdaagskind Paul Freund (-pommes de terre)...
E weeneli spoot, aber drfiir immer no vo Häärze graduliere mer unserem Aggdivmitgliid und Komprässer ussem Schiffhoorn Regischter - em Paul Freund - zem 46. Burzeldaag. Liebe Päuli, mer hoffe ganz fescht, ass e wunderbaare und unvergässligge Daag gnosse hesch und e baar bruuchbaari Gschänggli griegt hesch ;-)
Happy Birthday...

   
  3.4.2022 - Lämpesitzig...
Y wurd saage, s isch eenter e gmietligs zämmesitze gsii zem noonemol d Fasnacht Revue bassiere z loo... nadyrlig hets no s aint oder ander gää zem diskutiere, aber in Anbetracht, ass mer esoone tolli Zyt mitenand verbrocht hänn wärend dr Fasnacht, isch das doch Peanuts gsii :-). Jetz kunnt no d GV und denn goots scho wider loos mit dr ney Saison... mer fraie n ys druff.
   
 

29.3.2022 - E wunderbaare Abschluss...
Am Sunntig hänn mer e wunderbaare Abschluss vonere grandioose Fasnacht erlääbe deerfe. Unsere draditionelle Fasnachtsbummel am 3. Sunntig, het ys diräggt no Leyme ins Gourmet Restaurant "Couronne d'Or" gfiert, wo mer eso richtig kulinaarisch verweent woorde sin. Nadyrlig hets au ebbis uff d Oore gää und unsere indäärne Schnitzelbangg "d Reffleggdoore" hänn wider wie allewyyl ussem Volle gschepft... sogaar no mit Understitzig vo dr "Schweschter Gundula"... grandioos gsii :-). Miteme musikaalische Bummel duur d Stadt und eme feyne Abschlussdrungg im Barbara Käller, isch s denn diräggt zer Paraade in d Freye gange. Mitem letschte Doon am 22:30 undeme allgemaine und beliebte Grubbekuschelknuddelaadiesalizämme, isch denn d Fasnacht 2022 offiziell beändet woorde. Mer bedangge n ys ganz häärzlig bi
- Unserem Bummel OK fir dä grandioos Bummel
- Bim Restaurant "Couronne d'or" in Leyme fir s feyne Ässe
- Bim Schnitzelbangg "Bäfzgi" fir dr Bsuech
- Bi unserem indäärne Schnitzelbangg "D Refleggdoore" fir die grandioose Värs
- Bim Benny, wo n ys kurzfrischtig majoristisch gfiert het
- Bim Osci, wo n ys allewyyl souverään duur d Fasnacht und dr Bummel gfiert het
- und bi alle andere, wo gmainsam mit ys dä heerlig Sunntig gnosse hänn.

Tätärää bumm tsching...