Willkomme uff unserer kannibalistische Websyte !
   
  3.12.2022 - Uffdrtt an dr Après Ski Party...
E Après Ski Party ka me nit numme denn fyyre, wenn s Schnee het, sondern au bi kiehle, schneeloose Temperaduure wie zem Byspiil hit in Dornach. E glai weeneli dezimiert, aber miteme guete Uffdritt an dr Après Ski Party vo dr Guggemuusig "Pumperniggel", sin mer guet in d Après Ski Saison gestaartet ;-).
Mer bedangge n ys ganz häärzlig fir d Yylaadig und winsche alle e scheeni Wienachtszyt... und Schnee ;-)
   
 

30.11.2022 - Geburtsdaagskind Michael von Büren (-mischi)...
Dr letscht Geburtsdaag im Novämber, gheert wie immer unserem liebe Mischi. Wobyy s jo daasmool e bsundere Geburtsdaag isch... denn unser Aggdiivmitgliid, Seggelmaischter und Neyräntner - Michael von Büren - fyyrt hit syn 65. Burzeldaag und glyychzytig dr Staart in e gmietliggs Räntner-Lääbe :-). Liebe Mischi, mer graduliere Dir ganz häärzlig zem Geburtsdaag und winsche e wunderbaare Daag und nadyrlig e guete Staart ins siesse "Nitmache"... woby Räntner jo bekanntliggerwyys immer im Stress sin ;-). Happy Birthday...

   
 

23.11.2022 - Geburtsdaagskind Fabian Brogle (-brogle)...
Und wyter goots mit feschte und zwoor wäggsle mer hit in unseri Läärmbrueder-Seggdioon, gnauer gsait ins Paugge Regischter und deert fyyrt unser Aggdiivmitgliid, ehemoolige Bresidänt und Maischterfotograaf - dr Fabian Brogle - syn 44. Burzeldaag. Liebe Brogle, mer graduliere Dir ganz häärzlig zer Schnapszaal und winsche nadyrlig e absolut grandioose Oobe mit allem PiPaPo... und nadyrlig fraie mer ys jetz scho uff d Bierrundi am näggschte Mäntig ;-).
Happy Birthday...

   
  20.11.2022 - Uffdritt am Gala Oobe vo dr Guggemuusig "Ohregribler"...
E tolle Uffdritt am waansinns Gala Oobe vo dr Guggemuusig "Ohregribler" im Kongrässzentrum, miteme absolut grandioose Bublikum. Häärzligge Dangg fir d Yylaadig, ass mer an Eyrem Oobe hänn deerfe spiile, s isch e groossi Ehr fir ys gsii und het ys riisig Spass gmacht :-)
   
 

20.11.2022 - Geburtsdaags Iiberraschigsuffdritt...
Iiberraschigsuffdritt am Geburtsdaagsfescht vom Nicola Sahli im Restaurant "Pensiönli" zmitts in dr Rhygass. Liebe Nicola, mer graduliere Dir noonemol ganz häärzlig zue Dym runde Burzeldaag und bedangge n ys ganz häärzlig fir d Bewiirtig :-). Mer hoffe, ass mer Dir e glaini Fraid hänn kenne mache und Du no e wunderbaare Oobe gnosse hesch. Happy Birthday...

   
 

11.11.2022 - Geburtstagskind Benny Niederberger (-benny)...
Pinggtlig zem Faasnachtsufftaggt und mit groossem Geteese, fyyrt hit unser Aggdiivmitgliid und Ney-Majoor - dr
Benny Niederberger - syn 53. Burzeldaag. Liebe Benny, mer graduliere Dir vo ganzem Häärze zem Geburtsdaag und winsche Dir e wunderbaare Daag mit ganz vyyle Iiberraschige und bruuchbaare Gschänggli :-).
Happy Birthday...

   
 

10.11.2022 - Geburtsdaagskind Dominik Schöne (-nick)...
Ändlig kenne mer wider emool e Geburtsdaag mälde, den hit fyyrt unser Aggdiiv- und Grindigsmitgliid, wie au Lärmbrueder uss dr Schlaag Grubbe - dr Dominik Schöne - syn 50. Burzeldaag und isch doo drmit ändlig Volljeerig woorde :-). Liebe Nick, mer graduliere Dir nadierlig vo ganzem Häärze zue Dyym runde Geburtsdaag und winsche e Gnaller-Party mit Gnaller-Gschänggli und Gnaller-Gescht.
Happy Birthday...

   
 

7.11.2022 - No 1 Wuche Heerbschtmäss...
Z Basel isch jetz no 1 Wuche lang d Heerbschtmäss und denn goots jo scho mit ganz groosse Schritt uff Wienachte zue... wie schnäll doch die Zyt vrgoot, unglaublig oder ? Aber bevoors denn sowyt isch und d Keerze an de Wienachtsbäum brenne, gniesse mer noonemol 1 Wuche lang unseri Heerbschtmäss mitem Gschmagg vo breetlete Klepfer, brennte Mandle, s Liechtermeer vo de Baane und s leere Portemonaie ;-)
D Erinnerige an unseri Heerbschtmäss-Kinderzyte sin doch aifach unbezaalbaar, oder ?
In dämm Sinn, winsche mer Eych e guete Staart ine tolli Gnusswuche...

   
  30.10.2022 - E tolle Uffdritt an Halloween...
E gryyslig, scheene Uffdritt an dr Horror-Night vo dr Guggemuusig "Chaote" im ZicZac in Allschwil. Mer bedangge n-ys ganz häärzlig fiir d Yylaadig und as mer e Dail vo dääre Horror-Nacht hänn deerfe sii :-)
   
  18.9.2022 - Allschwiler Dorffescht 2022...
Alli Bilder vo unserem GIN-Bus am Allschwiler Dorffescht, sin jetz ONLINE. S isch e unvergässlig Erläbnis gsi fir ys...
   
 

18.9.2022 - KanniBâle Fasnachts-Varieté 2023...
Daasmol wirds stattfinde, do sin mer alli zue 100% drvoo iiberziggt. Wie friener, staarte mer mit unserem Fasnachts-Varieté am Sunntig voor dr Basler Fasnacht... das haisst, am 26. Hornig (Februaar) 2023 im ZicZac in Schwellhaim (Allschwil). Diireffnig isch am 13:00 und staarte dien mer denn am 14:00. Mer kenne Eych jetz scho vrspräche, ass es e richtig geils Brogramm gää wird, also die perfäggt Yystimmig uff d Fasnacht 2023. S Byljee koschtet Fr. 25.-- Stutz und griegsch bi jeedem Aggdiivmitgliid oder kasch au doo
ONLINE bstelle.
Also don't miss it und reservier Dir Dy Byljee fir dä toll Aaloss. Mer fraie n ys uff Di :-)