Willkomme uff unserer kannibalistische Websyte !
   
  2 Neymitgliider zer Versteergig vo unserem Drumpeete- und Posuuneregischter gsuecht... doo gits mee...
   
 

26.7.2022 - Geburtsdaagskind Kuno Thurnherr (-qno)...
Unsere letschte Geburtsdaag im Juli, gheert wie immer unserem Posuune Regischter... denn unser Aggdiivmitgliid und Basler Uurgstai uss dr Oschtschwiz, dr Kuno Thurnherr, fyyrt hit syyn 56. Burzeldaag. Liebe Qno, mer graduliere ganz häärzlig zem Geburtsdaag und winsche Dir e ganz tolle Daag mitere feyne Basler Brootwuurscht mit Sänf ;-)
Happy Birthday...

   
 

22.7.2022 - Geburtsdaagskind Martin Horni (-horni)...
Hit goots ab in unser Schiffhoorn-Regischter und zwoor fyyrt hit unser Aggdiiv- und Grindigsmitgliid - dr Martin Horni - syn 55. Juubeldaag. Liebe Horni, mer graduliere Dir ganz häärzlig zer Schnapszaal und winsche Dir bi däm haisse Wätter, yyskalti Geträngg und e wunderbaare n-Oobe mit ganz vyyl Gschänggli. Happy Birthday :-)

   
 

14.7.2022 - Geburtsdaagskind Thomas Fischer (-fischi)...
Doon uff Doon goots wyter und daasmool wäggsle mer in unser Bässli-Regischter, denn hit fyyrt unser Aggdiivmitgliid und laufendi Tapeete - dr Thomas Fischer - syn 58. Burzeldaag. Liebe Fischi, mer graduliere Dir ganz häärzlig zem Geburtsdaag und winsche Dir bi dääne haisse Temperaduure, e kiele Oobe und yyskalti Drinks. Happy Birthday :-)

   
 

8.7.2022 - Geburtsdaagskind Claude Monnet (-claude)...
Heja... hit fyyrt unser Aggdiivmitgliid, Fels in dr Brandig und "Urgestein" - dr Claude Monnet - syn 65. Burzeldaag und isch immer no Fit wie ne Duurnschueh :-). Liebe Claude, mer graduliere Dir vo Häärze zem Geburtsdaag und winsche e wunderbaare und unvergässligge Geburtsdaag im Grais vo Dyne Liebschte. Happy Birthday :-)

   
  6.7.2022 - "Bindelidaag" und Summerpause...
"Bindelidaag" und ab in d Summerfeerie...
D KanniBâle mache jetz Summerpause und winsche Eych alle wunderbaarie Feerie mit ganz vyyl Sunne, coole Dringgs, vyyl Wasser uff dr Hut, vyl Sand zwische de Zeeche, haissi Partynächt und no ganz vyyl mee.
Heebet Eych soorg und kemmet wider xund uss de Feerie zrugg. Bis bald :-)
   
 

5.7.2022 - Geburtsdaagskind Maurice Wächter (-mo)...
Hit gits emool e Richtigswäggsel, denn mer springe diräggt in unser Drumpeete Corps, well hit unser Aggdiiv- und Grindigsmitgliid - dr Maurice Wächter - syn 53. Burzeldaag fyyrt. Liebe Mo, mer graduliere Dir ganz häärzlig zem Geburtsdaag und winsche Dir nadyyrlig numme s Bescht, s Schenscht und iiberhaupt e absoluts geniaals Fescht.
Happy Birthday :-)

   
 

30.6.2022 - Geburtsdaagskind Pascal Leopold (-päsce)...
Hit wirds muusikaalisch hoochstehend, nit well unser Geburtsdaagskind im Schiffhoorn Regischter mitspiilt... Naiiiii, denn do hänn mer besseri Regischter bi n-ys ;-), sondern well hit unser Aggdiivmitgliid und Muusigscheff - dr
Pascal Leopold - syn 44. Burzeldaag fyyrt. Liebe Päsce, mer graduliere Dir nadyyrlig ganz häärzlig zer Schnapszaal und winsche e beruschends und tolls Fescht mit scheene Gschänggli. Happy Birthday :-)

   
 

19.6.2022 - Geburtsdaagskind Nicolas Striby (-niggi)...
So, hit wirds lutt... denn mer wäggsle in unser Läärm-Regischter. Hit fyyrt unser Aggdiiv- und Grindigsmitgliid - oder au als Paugge Komprässer bekannt - dr Nicolas Striby, syn 49. Burzeldaag. Liebe Niggi, au bi Dir ischs beriemte "5" scho ganz scheen in Sichtwyti, aber bis es denn sowyt isch, goots no e Jeerli. Schyss egaal, hit wird gfyyrt und doo drzue graduliere mer Dir ganz häärzlig und winsche vyyl Gsundhait und nadyrlig ganz vyl Spass bim feschte :-)
Happy Birthday...

   
  13.6.2022 - Grandiooses Allschwiler Dorffescht...
Dangge, Dangge und noonemool Dangge, mer sind wiirglig iiberwältigt und sproochloos, was ebbis haisst ;-).
Dä Allschwiler Aaloss isch dr absoluti Gnaller gsii und mer bedangge n ys ganz häärzlig bi alle, wo bi n ys zem plaudere gsii sin oder e feyne Gin bzw. Bierli gsiirpflet hänn... alli griege e richtig fette Schmatzer vo n ys (sorry laider numme virtuell meeglig ;-)). Mer hänn nie mit däm riisige Aasturm grächnet und s het ys eso fescht Spass gmacht, ass die 3 Daag wie im Fluug vrgange sin. S isch e ganz groossi Fraid und Eer gsii, ass mer fir Eych hänn deerfe doo sii.
Also, noonemol vyyle Dangg.
   
 

13.6.2022 - Geburtsdaagskind Nicolas Zirngibl (-zirni)...
Wenn au e weeneli vrspeetet, so doch vo Häärze graduliere mer unserem liebe Grindigs- und Aggdiivmitgliid - em
Nicolas Zirngibl - noodrääglig zem 55. Burzeldaag. Liebe Zirni, sorry sorry sorry aber Du waisch, s letschte Wucheänd isch zimmlig heggdisch gsii ;-). Also liebe Zirni, mer graduliere Dir ganz häärzlig zue Dynere Schnapszaal und hoffe nadyrlig, ass e wunderbaare Daag gnosse hesch. Happy Birthday :-)