Willkomme uff unserer kannibalistische Websyte !
   
  2 Neymitgliider zer Versteergig vo unserem Drumpeete- und Posuuneregischter gsuecht... doo gits mee...
   
 

11.1.2021 - Geburtsdaagskind Dominik Heer (-loony)...
Neys Joor, neys Spiil, neyi Herussfoorderige :-). Wie jeedes Joor, gheert dr 1. Geburtsdaag unserem Aggdiivmitgliid und "Maa wo um d Wält rennt", em
Dominik Heer ussem Bässli-Regischter... aaber... daas Joor stoot e bsunderi und "rundi" Herussfoorderig voor dr Diire. Liebe Loony, mer graduliere Dir ganz häärzlig zem
50. Burzeldaag und winsche e tolle Daag und e no scheenere Oobe, drotz Corona Lockdown vo de Baize ;-)
Happy Birthday liebe Loony...

   
  31.12.2020 - E guete Rutsch...
E seer emotionaals Joor mit vyyle Herusfoorderige goot langsam z Änd... zem Gligg. Feertig, Aus, Schluss und Finito... luege mer doch aifach fiire und fraie n ys uff e neys Joor mit neyem Muet und neyer Hoffnig. Mer winsche Eych e guete Rutsch und "Happy Landing" im 2021, uff das es e tolls und spannends Joor fir Eych wird.
   
  24.12.2020 - Scheeni Wienachte...
As in dämm Joor alles anderscht isch als sunscht, isch jo mittlerwyyle nit Neys me... aus was Wienachte 2020 bedrifft. Me soll säll nit und me sott jeenes nit... aber emol eerlig, isch doch egaal wie n-Iir Wienachte fyyret, Hauptsach Iir kennets e weeneli gniesse und dä bleed Kääfer fiir e Momänt aifach vrgässe.
Mer winsche Eych und Eyrer Familie vo Häärze e scheens und besinnliggs Wienachtsfescht mit feynem Ässe, eme scheene Wienachtsbaum und e baar bruuchbaare Gschänggli, wo näggscht Wuche nit scho wider umduscht wäärde mien (usser nadierlig die grien / gääle gstriggte Sogge wos jo jeedes Joor git) ;-).
Heebet Eych soorg und hoffentlig bis bald.
   
 

20.12.2020 - Happy 4. Advänt...
Wie schnäll doch die Zyt vergoot und Zack, scho sin mer im 4. Advänt... unglaublig oder ? Jetz goots Schlaag uff Schlaag und bald scho lyychte d Keerze am Wienachtsbaum und spände e wunderbaars, waarms Liecht in dääre momentaane Corona-Schysszyt. Bis es allerdings sowyt isch, muess no dr letscht Gliehwyy wägbutzt wäärde... nit lyychter als daas ;-)
Mer winsche e scheene 4. Advänt.

   
 

16.12.2020 - Geburtsdaagskind Fabian Schürch (-fish)...
Wie immer gheert dr letscht Geburtsdaag vom Joor, unserem Aggdiivmitgliid, Youngster vom Dienscht und KanniBâle-Bresidänt, em Fabian Schürch, wo genau hitte syn 32. Burzeldaag fyyrt. Liebe Fish, woorschyynlig hesch Du Dir Dyni Geburtsdaagsfyyr au anderscht voorgstellt... aber s het jo bekanntlig kai Sinn ebbis z ändere, wo nit z ändere isch. Nit desto drotz graduliere mer Dir ganz häärzlig zem Geburtsdaag und winsche Dir e wunderscheene Oobe im glaine Umfäld vo Dyne Liebe ;-). Happy Birthday...

   
  13.12.2020 - 3. Advänt...
Wie schnäll doch die Zyt vrgoot und scho kunnt Wienachte langsaam aber sicher in Sychtwyti... unglaublig oder ?
Mer winsche Eych uff jeede Fall e wunderscheene 3. Advänt :-)
   
 

12.12.2020 - Geburtsdaagskind Daniel Leopold (-däneli)...
Zmitts in dr Adväntszyt, wo dr Wienachtsbaum scho langsaam in Sichtwyti kunnt und d Närvositäät styggt... jäääää denn fyyrt unser Aggdivmitgliid und MUKO-Jehudi ussem Drumpeetecorp - dr Daniel Leopold - syn
45. Burzeldaag. Liebe Däneli, mer graduliere Dir ganz häärzlig zem Geburtsdaag und winsche e unvergässligge Oobe... au wenn d Umständ e weeneli anderscht sin als sunscht, aber vellicht fyyrt sichs ebbe grad doorum e bits intensiver als sunscht :-). Happy Birthday...

   
 

6.12.2020 - Santiglaus und 2. Advänt...
Y glaub, hit muess me ganz bsunders d Oore spitze ass me verstoot, was dr Santiglaus eso hinter sym digge Baart und dr Masgge voor sich aane nuuschelet... aber das ka jo in dämm Fall au vo Voordail sii ;-). Uff jeede Fall hoffe mer nadierlig, ass Iir Eyer Väärsli usswändig gleehrt hänn... wobyy mer jo scho dängge, ass dr aint ooder ander mit in Schwaarzwald gnoo wird und deert Danneneedelisubbe ässe muess... me waiss es nit gnau. Bsunders hitte wär dr Slogan "Abstand halte" kai schlächti Idee. Wie au immer, mer winsche Eych e ganz scheene Santiglausdaag und nadierlig e heerlige 2. Advänt mit feyne Wienachtsgutzi undeme haisse Gliewyy.

   
 

30.11.2020 - Geburtsdaagskind Michael von Büren (-mischi)...
Dr letscht Geburtsdaag im Novämber und voorem Staart in d Adväntszyt, gheert wie immer unserem Aggdiivmitgliid und "Säckelmaischter", em Michael von Büren, wo hitte syn 63. Burzeldaag fyyrt. Liebe Mischi, mer graduliere von Häärze zem Geburtsdaag und winsche e heerlige Daag mit allem PiPaPo... und nadierlig e baar glaini Gschänggli ;-) Happy Birthday..,

   
  29.11.2020 - 1. Advänt...
Advänt, Advänt e Liechtli brennt...
Mer winsche Eych e heerlig, scheene 1. Advänt au wenn d Umständ e weeneli anderscht sin wie sunscht. Nit desto drotz, dringged e feyns Glas Gliewyy und gniessets Lääbe :-)